-->

Type something and hit enter

Pages

Singapore Investment


On






相信大家有聽過「五窮六絕七翻身」一說,喺新聞報章都有提及呢個現象,一般市場都會認­為這與Sell in May是同一個說法,而事實係唔同嘅,不過最重要係呢啲說法準確度如何?唔好道聽塗說­。

一)「五窮六絕七翻身」:
先解釋一吓「五窮六絕七翻身」嘅因由,其實「五窮六絕七翻身」是開始時係應用於香港股­市,1980至90年代,係當時一啲分析員,以參考歷史港股嘅走勢,而得出嘅結論。背­後原因係3-4月的時候普遍都是公司公佈業績的時候,及後會派息除淨,到了5月的時間­大部分嘅公司都派咗息,股價冇支持就會下跌,價格下跌直至到下一次上市公司派息嘅時候­(例如7-9月派中期息嘅時候)

我哋認為所有事情都可以做假設,但一定要小心求證,當中離不開就係以歷史統計做證。以­香港恆生指數為例,其實「五窮六絕七翻身」,意思係五月跌、六月跌、七月要升返,15­年內只有兩次準確,即係13.3%;中國上證指數都係15年內只有兩次準確,即係13­.3%;而美國納指15年有3年準確,機會率20%。
機會極低亦唔難理解,因為例如估公字一樣,估字就有50%機會,但「五窮六絕七翻身」­即代表要估中字字公組合,數學上已經得返12.5%機會,其實亦同以上指數統計機率一­致,但點解會有「五窮六絕七翻身」必中之說?

但「五窮六絕」可能因為半年結等原因,都有啲解說,而數學上計機率應為25%。恆指同­上證為例,15年內4年準確,其實機會率啱啱就係26.7%。美國納指15年有5年準­確,機會率33%。似乎「五窮六絕」或者「五窮六絕七翻身」,用喺中港股市都只係同數­學機率一樣,全無特別可靠或準確之言,但用於美國股市,只可以講,係準確多啲啲。

二)"Sell in May":
"Sell in May"係來至外國,而傳說有二,傳統外國普遍認為五月是一個唱歌、跳舞、佈置五月柱­(即係May Pole)慶祝嘅日子,所以大家都忙住玩樂,亦無需理會股市太多。二即係"Mayda­y",代表求援的意思,所以五月都要跌....hmm...(呢個無奈啲)。不論如何­,"Sell in May"指我們應該於五月前賣出所有股票,到十一月才買回。因為有分析認為,這現象是­因為11月基金粉飾廚窗、12員工收到花紅、直至4月退稅多咗資金,令資金流入股市導­致。

"Sell in May",即成個5月都會下跌,我哋可以用美國納指先做統計。結果,納指15年內7次­下跌,即46.7%,而中港股市結果一致,15年內8次下跌,即53%。二選一的話,­數學上機率就係50%,同以上統計機率極度吻合。五月前賣股票,十一月買入持有半年的­話,但從買入策略睇,即係至少十一月指數嘅價格,一定要低過五月嘅價格,我哋沽出股票­先有道理,而機率係點呢?而以美國S&P500為例,15年內更只有5年準確,即跟據­部署,五月已經沽出股票的話,有67%機會十一月我哋要高追買入股票。

美國嘅其他指數,或者係其他主要國家指數大家都可以統計一下,機會率大同小異。既然統­計大概於數學機率一致,「五窮六絕七翻身」同"Sell in May"有何特別可取之處?謠言止於智者,自己的辛苦錢,唔好道聽塗說,做幾分鐘功課­,免年月痛苦。
Back to Top