喜歡農夫的歌


近期經常聽農夫的歌,他們的歌是非傳統的音樂,並不是特別悅耳的一類,而是Rap songs,但最欣賞的是其歌詞表達內容,押韻之餘又表達到很多深層意義。




不同人會在人生的不同階段,而且人人的際遇不一,所以不一定每個人都能在同一系列的歌曲上找到共鳴。可能止凡的年紀與農夫相約,大家都經歷過差不多的人生階段,所以聽起來特別有感覺。

大致上,在農夫的歌詞中聽到幾個重點,讀書階段完結了,人生走過二十多歲,三十多歲,當了打工作若干年後,對生活有不少體會,開始覺得時間寶貴,心理上由小時候很想長大,後來變得不想長大。

另外,歌詞描述不少身邊生活所起的變化,十分到肉。從前的同學、朋友各有家庭,各有生活,工作忙碌,越來越鮮有搞活動出來聚聚。唯有家中母親家人仍留在家中守候,但自己卻忽視多年。

農夫還很細膩地觀察生活,尤其拍拖、結婚與生仔的生活情況,好像結婚擺酒的段落,歌詞內容十分「抵死」,諷刺生活現實,我們不少人都有類似觀察,聽起來很有共鳴。

出來工作多年,或多或少都會懷念一下讀書時期的生活,有很多學生時期覺得大件事,出來工作多年後回看,原來只是小事一椿,甚至是一個難得的回憶,不少歌詞都希望帶出四個字,就是「珍惜青春」。

不少blog友都知我寫過一本哲學類的無聊書《永不當田雞》, 無聊得令書店不知道應該編進哪一類,所以入了哲學類。那本書討論一些科學、生活、道理理解之類的東西。聽著農夫的歌,感覺自己也很想多寫這些生活體會。曾 經跟出版社負責人談及這本書,她指可以拿這個路線出書,我深感興趣,不過久久未能成事,不了了之,可能她考慮到財經書始終較能賣紙吧,哈哈。

以下貼出幾首農夫的歌與及節錄出來的精警歌詞,大家有時間可以品嚐一下,可能也有所共鳴。看完歌詞,再聽聽他們按歌曲Rap出來,很過癮的。



《偉大航道》
https://www.youtube.com/watch?v=uglNXwhc_u0

唔好俾你嘅童年淨係充滿考試同測驗
望下個天 咁好天 去下海邊
因為到你大個就會忘記乜野係大自然

做學生要爭取時間 玩
有幾多功課做都好閒 唔駛喊
當你正式上班 先知道乜野叫慘
原來做功課好簡單 做人好難

唔好怪你學校好似好煩個幾個先生
因為冇一個先生係可以煩得過你老闆
唔好介意 記缺點只係小事
操行分就係玩緊迷你版嘅辦公室政治

唔好笑你同學仔 因為佢將來可能係
同你做一世嘅兄弟 呀 順便一提
千祈唔好食煙
點解 因為你想像唔到佢有幾難戒

大多幾歲 你會想搵返個情侶
老土啲講一句 唔係有心就唔好追佢
你諗下佢流嘅眼淚 傷害佢
將來佢 唔再相信愛
你仲點過意得去

愛情係好玩但係唔好玩愛情
你一個唔小心 可能會影響佢一世人

記住飲酒唔好飲咁多
尤其是有杯著曬火 一定要朋友幫下拖
貓到訓低都冇乜所謂 最怕起身係隔籬
見到個好似我咁嘅男仔 你就知道乜野係蝕底

唔好隨便同人發生關係
話就話前事不提 都係另一種虛偽
因為 我始終認為
你老公都唔想知道佢有咁多襟兄弟

其實你嚟到呢個世界
係一個安排
你會比你想像中更加偉大




《返老還童》
https://www.youtube.com/watch?v=-cod185uLAg

幾時開始發現自己經大個
阿媽再多囉唆你都幫拖佢都捱過
冇道理嘅説話 發爛渣嘅責罵
你都敷衍吓 你會諗鬼叫佢係你阿媽

幾時開始發現自己有啲老態
諗住跑吓街綁完鞋帶都有啲冇態
以前做靚仔通山奔走通山嗌
而家有幾廿年煙癮唔肯戒啲肺泡就快冇晒

幾時先發現自己開始成熟
就係你發現接受到老細嘅凌辱
無論政局幾動盪你會選擇退縮
其餘乜都唔驚 你淨係最驚稅局

幾時先發現自己做咗大人
就係做錯啲乜嘢事你第一時間賴人
你冇做到個壞人 但係做咗你細個最唔想成爲嘅嗰種大人

幾時開始發現自己已經大個
球賽你好少參與 主要係買多
仲邊有晨早流流 起身落球場射波
頂隆係第朝返工起唔到身 咁先至射波

幾時先算 成熟嘅一刻
以前你最自豪 隨身一疊閃卡
今日你最羡慕 人哋銀包張黑卡
你每日無諗乜嘢 淨係諗發達

幾時先發現自己已經老咗
識左好多人但好多舊朋友都冇咗
聯絡 晚飯直落 日日都咁寂寞
撞返舊同學 你突然好想返學

總係對某人有說話未曾講
總係想問佢這刹那在何方
以前仲係細路 相信將來乜都做到
原來一啲特別都冇 只係青春倒數



《好彩分手》
https://www.youtube.com/watch?v=_JgP_Aq6Smw

喂 唔駛咁愁喎朋友 一段感情梗有佢完嘅時候架
佢肯同你分手 你應該走夾唔抖喇
咁嘅人都有 簡直係禽獸 我明架
你能夠忍嘅都忍夠 你等佢變
佢冇理過你感受 佢洗你錢
佢cut你線 佢落你面
你對佢仁至義盡啦 佢仲想你點?
記住今日佢飛你係佢唔識貨
呢種人你咪當從來無識過
你只係信錯衰人一個
咪唔信愛情係會有好結果

你個ex擺明係賤人 係廢人
你咪爲佢費神 你當爲己爲人
你有冇聽聞得饒人處且饒人
佢仲喺instagram處寫條文
你話佢扮咩 扮咩受害者
佢話佢比你仲傷 其實你係你俾佢中傷
呢啲咪趟着都要中槍 邊有人分手趙完仲唱
人生流流長 總會遇到幾條XX

好彩諗起嗰一次你有分手
最委屈嘅你受夠 冇分手會有排你受
終於搵到嗰一對美滿雙手
你開心到冇朋友 最初玩你嘅人等天收

係 我知你未放得低
但係呢個人冇資格影響你一世
喊啦 即管喊出黎
少少眼淚 咪當交少少學費

你唔想拍拖拍到似上戰場
但係佢次次傷害你嘅方法都唔一樣
講大話佢太擅長 朋友你太善良
你點對人 唔等於人地會點對你
學識呢個道理 獲益嘅係你自己
或者呢段感情係有啲苦澀味
不過你應該慶幸 呢個人冇同你走到結尾

你個ex擺明呢一生呢一世
你都會憎佢做嘅一切 你後悔同佢一齊
正所謂自古人生誰冇死
其實你想佢嗰日早啲嚟
你仲要扮咩 扮咩偉大啫
根本佢就係有史以嚟 呢個人淨係識愛自己
分咗手仲要講你是非 邊有人一衰衰到貼地
人生流流長 總有人唔洗原諒



《雙喜臨門》
https://www.youtube.com/watch?v=gsZIbnGTANY

當你好憎你爸爸 攞佢張結婚相睇吓
當晚佢娶你媽媽 首先要接新娘
D姊妹冇個似樣 玩game定係玩命
玩過嘅都驚 慘過去O camp
老婆喺度執粧 班兄弟俾人濕corn
個個都失儀 冇人理吉時

好啦好啦搞吓搞吓終於去到擺酒
又要影相又要握手老婆俾人枴走
嗰幾枱D親戚 冇一個識
開飯到散席 見嘢就食
一家七口俾七舊你老豆話
親戚 唔需要珍惜 萬幾蚊圍要話酒微菜薄
萬幾人嚟(喂走未?)再踱

外母又十圍 奶奶又十圍
兩個人一齊D家長要威
呢對夫妻坐低計一計 最緊要係攞酒嚟
搞一晚又冇咗首期 佢當初最偉大冇得比

全世界講一次恭喜 結婚即刻當晚有咗你
全世界講多次恭喜 你生仔咪鬼激氣
結婚相永久一世鑲起

當你好憎你媽媽 攞你張bb相睇下
你係點樣變到而家 咁就要講返攞起驗孕棒嗰晚
恭喜恭喜恭乜喜 樓都未供得起 就要供你

一開頭 一味係嘔 一係好胃口到食得落一圍酒
成日去廁所 但係一直 嚟嚟去去得一滴
呢樣唔做得 嗰樣唔食得 大肚婆淨係識得 抑鬱
生仔仲要爭位 醫院話 唔係用人仔
等到作動一生生咗十個鐘頭

唔講有幾痛你老豆嚇到要急救
話咁快 就要餵人奶 啜到型都變埋都仲係唔夠派
成個月 瞓一晚 唔死都虛脫 坐月未補返又要擺滿月
姨媽姑姐多到 個個要薑醋
BB 有便便 要po上Facebook play group
以前36 24 36 今日 你老豆返左大陸



《粒粒皆辛苦》
https://www.youtube.com/watch?v=oGPoBvtXRAY

第一次 mak大眼 睇到世界嗰時
爹哋 媽咪 話做人唔容易
第一次 學行 跌咗唔止一次
學一二三去到學ABC
啲考試每次都臨急至溫書
啲同學 每個都曾經暗戀miss
嗰時仲未知 粒粒皆辛苦係一回乜嘢事

嗰晚 放榜前一晚 三點三十分都未瞓
聽日有三分定係有十分
淨係知道有不同嘅學歷有不同嘅人生
諗 攬住個枕頭諗 摣住哩個分數
點樣面對老豆 即刻捐入被竇
kum 大被kum過頭 原來諗得多過頭

十九轉眼變咗廿九 髮線開始向後 準備三十出頭
浮浮沉沉九年嚟冇份工做得長久
尋尋覓覓九年嘅女朋友終於分手
好多新朋友 喺街頭 重遇舊朋友 唔知點樣問候

收到新朋友嘅喜訊 轉個頭 收到舊朋友嘅死訊
人生無常從來唔係幾信 一啖一啖酒灌落心頭
聽朝又八點九 一步一步走嘅一個一個年頭
為咗走去盡頭 一粒一粒都係辛苦嘅嗰日終於接受

過咗兩年突然結咗婚 朋友問做乜咁笨要做老襯
可能只係想搵個人 一世一齊瞓
又或者係為咗賺筆人情去旅行
老婆話要盡責任 要秘密造人
好想問自己一問 俾唔俾BB出生
做咗幾十年人 好似苦多過甘
又要搵銀又要掹憎又冇幾多嘢值得開心
轉頭父母過身 朋友移民 以前落酒吧一班人
今日啲啤酒自己飲 飲到醉醺醺 涼風陣陣
幾辛苦都行咗大半個人生



《奇蹟》
https://www.youtube.com/watch?v=_G_OQveiLrQ

幾多幾多年 通街通街奔波
我屋企都無返過 無好好地坐一坐
個看更睇一睇我 你到底邊個
係我猛禁錯 猛禁錯個密碼鎖

媽子好似老咗
面都凹咗 好似瘦咗
我無認真去 好好睇真佢
平時返親去屋企 每次都好醉

呢幾年無論喺出面撈到幾掂
供樓同煤氣水電陷辦爛都係你俾錢
但係屋企人好耐都無見過幾面
呢度係一個私人廁所一間時鐘酒店
返嚟就訓 訓醒就走 拍拍籮柚
有時間抖抖 淨係識約朋友飲酒
飲完就炆 炆咗就嘔
擰轉頭有碗湯擺喺檯 擺到凍晒
擺天光擺到六合彩都中埋
依然未飲過一啖 幾時先搵返一晚
一家人食返一餐 安樂茶飯

喂俾我 喂俾我講句真係多謝
喺呢度你俾我搵到最好嘅野
我要謝謝家姐 細個覺得你煩
出嚟做野 先知你煩唔過D老闆

多謝哥哥 成日同我爭
爭野玩 爭到爛 我奸到爭住喊
但係出面嘅難關 幾難同人爭
就算幾想喊 都要笑得好燦爛

我老豆從來唔開口
細個嘅時候 我以為佢係啞架
可怕 都唔及而家大家
講親係廢話 話講真係假架

媽媽 細個你拖我手
大個我拖女朋友咁多個年頭
多謝你承受咁多句街頭
無厘頭嘅問候
D人無品會問我係貴親

屋企人唔駛問永遠當我係貴賓
咁大個人淨係諗緊點樣搵銀
不如等陣搵搵永遠等緊你嘅屋企人

http://cpleung826.blogspot.my/2016/07/blog-post_28.html